Nyota ya Punda | Fahamu kila kitu kuhusu nyota hii | Kondoo | Aries Zodiac

Unaweza kuwasiliana nasi kupitia; Email: Rakimsspiritual@gmail.com WhatsApp: +255 783 930 601 NYOTA YA PUNDA: ARIES Hii ni Nyota ya kwanza katika mlolongo wa Nyota 12. Nyota hii ni kwa watu waliozaliwa kati ya Tarehe 21 March hadi 20 April au wenye majina yalioanza na herufi A au M na DH mfano Dhul Kifli. Namba yao ya bahati ni 1,9,13 na 25. Asili yao ni Moto, nayo ni nyota dume. (dume ikiwa na maana ya chanya/sio jinsia za wenye nyota) Usawa wake ni Imara (UFALME) Ni nyota ya utendaji,yenye nguvu,inafaa na yenye msukumo na nyota yenye matumaini,iliyowazi katika mabadiriko na hali mpya. SAYARI YAO: ni Mars (Mariikh) Marikh kwa historia za kale ni kuwa ni sayari ya Kiumbe wa vita,vurugu,uovu na ubaya. katika elimu ya nyota hii husimama kama sayari ya hamu/shauku na upinzani huleta hisia za ajali na humiliki moto na Hatari. ALAMA YAKE: Kondoo dume: mkali,mkorofi,kingono,mwenye uwezo wa kupanda chart juu zaidi. TALASIMU YAKE: Picha inaYOwakilisha pembe na pua ndefu ya kondoo dume. na pia inakuwa na muonekano wa nyusi na pua ya uso wa mwanadamu na kichwa ni sehemu kuu ambayo sheria ya Punda inatawala yaani halmashauri ya kichwa). maana nyingine talasimu yake ni mfano wa mwezi uliokatwa katikati na kuwa vipande viwili vilivyo karibiana ambayo inaonyesha ishara yake ya utawala na uongozi wa nyota hii. NENO LAKE TAWALA: MIMI hili ndilo neno tawala la Punda yaani umimi kwanza Maarifa makuu kabisa ya punda ni ujasiri Mara nyingi ni mtu mwenye ubinafsi wake haijarishi ataficha na kukataa kiasi gani. Ni mbinafsi. NYOTA INAYOENDANA ZAIDI: Mizani au Libra Punda ni nyota ya umimi kwanza watu wenye nyota hii wanatabia ya ubinafsi zaidi na wanaweza kuwa ni watu ambao wenye kuangalia maslahi yao wao tu. Ambapo Mizani ni kinyume cha Punda ni nyota yenye kuweza kuing'arisha na ushirikiano na wenye nyota ya mizani hujihisi hawajakamilika bila ya mwenza au mpenzi. nyota hizi mbili zikiungana basi huendana vizuri zaidi basi huwa na nguvu maradufu, na hasa wakiungana kimapenzi basi hung'ara zaidi. SEHEMU YA MWILI UNAYOTAWALIWA NA PUNDA: Kichwa: Watu wa punda hukabiliwa na maumivu ya kichwa, na wanakabiliwa na majeraha madogo kuzunguka kichwa na uso wengi utawakuta na alama usoni SIKU YAKE NZURI: Siku nzuri katika wiki kwa wenye nyota hii ni Jumanne MALAIKA: Malaika anayetawala au kuangalia nyota na sayari yake anaitwa Izrael, ambaye ni malaika mtoa roho za watu, JINI WA NYOTA HII: Jini wa nyota na sayari hii anaitwa Abuu Muhriz al Hammar au Mwenye mavazi mekundu. SHETANI WA NYOTA HII: Phaleg kiswahili wanamtambua kama SUBIYANI pia ni mwenye mavazi mekundu. MANUKATO Manukato au Perfume yao ni Marashi ya Asali (Honeysuckle) KIPAJI CHA PUNDA Wenye nyota hii wana kipaji cha Hisia, ni rahisi kwao kutafsiri jambo lolote, wanaweza kwa urahisi kutafsiri ndoto, vilevile wana kipaji cha kusikia sauti ndani ya kichwa kuhisi jambo litakalotokea na ikawa kweli. Ikiwa watafanya Taamuli (Meditation) kwa dakika ishirini wakati wa usiku au kitu cha kwanza wanapoamka asubuhi, akili na miili yao itatulia na watapata ufunuo wa mambo mengi sana. TABIA ZAO KIMAUMBILE NA KIMAPENZI: Punda ni wakali na wachangamfu, wenye hisia na wanaoweza kujieleza wakiwa na hali ya kufanya chochote. “SASA HIVI” hayo ndio mambo wanayotaka kusikia. Ni watu wasiokuwa na subira, kila kitu kinafanyika kwa msukumo na haraka haraka. Ni viongozi majasiri ambao hawaoni karaha kuchukua majukumu, wakati wote wanajiona kwamba “Wanajua sana”. Kimapenzi Punda ni watu wenye mapenzi motomoto, tatizo lao kubwa hawapendi kusikiliza ushauri wa kimapenzi, na hawakubaliani na mambo nusu nusu. Ni watu wenye kutegemea mazuri wakati wote na hawakubali kushindwa. Hupenda kukimbilia katika mapenzi bila kufikiri, wanapohisi wamepata mpenzi wa kweli. Ni wepesi kuvutwa katika mapenzi na wenye miamko ya ghafla au misukumo ya kiwazimu ambayo wakati mwingine inawafanya waonekane wapumbavu. KAZI NA BIASHARA ZA PUNDA : Wote wake kwa waume waliozaliwa katika nyota hii wana kipaji cha asili cha uongozi na wasiwasi wa kushindwa katika utekelezaji. Kazi zinazowafaa ni Jeshi, Kazi za Uokoaji, Michezo, Uuzaji, Upasuaji, Kufundisha (Ualimu), Masuala ya Fedha. Biashara za kubadili fedha,Biasharaza kuuza vifaa vya michezo, biashara za vifaa vya shule au maduka ya madawa. MAVAZI NA MITINDO: Mavazi yao yanatakiwa yawe ya mitindo mikali na tofauti, yenye kuchangamsha na Kusisimua ya rangi nyekundu.Vitambaa vyao viwe vya sufu (wool), Fulana, na vitambaa vilivyo na kishiwa kwa nyuzi za rangi ya chuma. Wasikose kuvaa kofia, wanawake wapendelee sana kuvaa na Suruali Rangi yao ya Bahati ni Nyekundu na maalumu zaidi kwa maana huwakilisha moto ambao ni asili ya Punda, Rangi zinazowafaa kwenye Nyumba au Vyumba vyao ni rangi nyekundu (Scarlet). Rangi zinazowapa uwezo wa mapenzi, mahaba na furaha ya kujumuika na watu ni rangi za kijani na kijani kibichi. Rangi inayowapa uwezo wa kifedha ni rangi ya Kijani

Category